Ang Barkada, Linggo ng Pagkabuhay

Kami po nung pasko ng pagkabuhay,,may mga hang over pa po kami kaya mga ganyan po ang hitsura namin,,hehehe

Close up ni San Andres

Tingnan naman ninyo matangos ang ilong ng Poon namin,,,un nga lang hindi kami nagmana,,hehehehe

Si San Andres at Ako....magkabarkada lang.

Yan eto po at kami ay magkabarkada lamang..

Ang Pagkabuhay

Nangusap si Magdalena
maginoo po aniya
kung ikaw po ang kumuha
sa Poon ko't aking sinta
sa akin po'y ipakita.


Sagot ni Hesus ay ito:
Maria ako ay tingnan mo
ako ang hinahanap mo,
dito na nga napagsino
ang Poong Hesukristo.

Santo Intierro

Halos di ibig bitiwan
ng Inang may hapis lumbay
ang sa Anak niyang bangkay
ninonoynoy nininilay
yaong madlang kahirapan.


Laking sakit hirap baga
nang Inang nangungulila
binunto-buntong hininga,
at gayon din ang dalawa
si Huan at Magdalena.

Ang pagdating ng Mahal na Birhen kasama ang mga babae ng Galilea

Laking sakit laking dusa
nang Inang nangungulila
kaya nga't nagsisama
ang mga babaing iba
na nagmula sa Galilea.


Nang dumating sa Kalbayo
itong Inang nanglulumo
ang Anak niyang si Kristo
napako ng totoo
doon sa Sakromadero.

Ang Paghuhubad ng mga Hudyo sa ating Poong Hesukristo

Ay ano'y dumating na
ang mananakop sa sala
sa lupa nilang talaga,
hinubaran kapagdaka
niyong mga palamara.


At dito ng sa paghubad
niyong damit ng mesias
ay nabaguhan ng antak,
sa di kawasang hirap
sa pagpaknit nga sa sugat.

Ang pagpapahid ni Veronika sa mukha ng Poong Hesukristo

Kapagkaraka'y ugali
ni Veronikang may budhi
niyong bata pa mang munti,
at kung may paawa ngani
lilimusang dali-dali.


Di nabata't natiis
naawa siya't nahapis
na makita at masilip,
ang mukhang tigib ng sakit
ng dugo at madlang pawis.


Ipinahid kapagdaka
birang niyang dala-dala
loob ay kakaba-kaba,
bubunto-buntong hininga
hapis na walang kapara.

Jesus Nazareno

Laking hirap, laking sakit
pagod na hindi maisip
ang katawa'y nanginginig
nagsipangurong ang litid
nitong Diyos na marikit.


Walang maipahid naman
sa mukhang nadidiliman
anong laking kahirapan
ang puspos sa kayamanan
walang mapulong basahan.

ang pagkasalubong ni Jesus at ang mga Kababaihan

Doon naman sa lansangan
may nakita siyang ilan
babaing luha-luhaan,
na pawang nangalulumbay
siya ang tinatangisan.


Di nabata't nangusap din
si Hesus na poon natin
ay aniya mga giliw
sa puso ninyo itanim
yaring hirap na narating.


Bagkus ang tangisan ninyo
anak sampung mga apo
ang hirap na tiniis ko,
may oras na paparito
sasabihin ko sa inyo.

Pagkikita ng Mag-Ina

Oh bunsong minamahal ko
maganda kong bagong tao!
anong salang nagawa mo,
at ikaw ay ginaganito?
di ko mabatang totoo.


Iyang Krus na iyong pasan
bunso ay iyong bitawan
at kita ay hahalinhan
ako kaya'y mabubuhay
sa lagay mo ngang iyan.


Akuin kong lahat na
ako ang papapatay na
Poon ko't ng mabuhay ka!
ano pang aking halaga
kung ikaw ay di na makita?

Ang Pagkakadapa

Sa kabigatan ng Krus
na pinapasan ni Hesus
ay agad napasubasob,
sa lupa't mga alabok
ang mukhang kalunos-lunos.


Kung itindig niya naman
nanginginig ang katawan
at halos di makayanan,
sa di kawasa'y napagal
tumaha't nagtanaw-tanaw.

Pag pasan sa mahal na Krus

Ang totoong kahabaan
niyong Krus na pinasan,
labing-limang talampakan,
at pito naman ang bilang
nang paripa at pahalang.


Krus na yao'y mabigat
labis na nagkakaapat
lumulubog sa balikat,
at lalo pang nakaragdag
ang sala ng taong lahat.

Pagtanggap ng mahal na Krus

Sa kaniya'y ipapasan
Krus na kamamatayn
ipagtawag habang daan
tuloy namang ipagitan
sa dalawang magnanakaw.

Pagpapakumbaba

At kanilang pinaupo
sa isang hamak na bangko
inooroy, binibiro,
ano pa't sinisiphayo
itong Korderong maamo.


At kanilang pinagtangan
ng isang tuyong kawayan
ang ulo ay pinutungan
nang tinik na likaw-likaw
kunwa ay hari-harian.


Saka yaong mga lilo
tatanong kay Hesukristo
pinapanghula rito,
sa kanila'y sino-sino
ang nagsipukpok sa ulo.

Paghampas

Iginapos na si Kristo
sa isang haliging bato
hinampas na walang toto
mahigpit na limang lido
na tagos hanngang sa buto.

At dito na natupad
yaong hulang naisulat
nang propetng si Isaias,
sa daratnang mga hirap
nang pariritong Mesias.

Paghahatol

Malaki ang alang-alang
ni Pilatong punong bayan
ang loob ay salawahan,
di niya ibig hatulan
itong Korderong maalam.

Sa Harap ng Senadrin

Inisip at siniyasat
yaong sumbong sa Mesias
kaya nga't ang mga uslak
nagpisan sa isang salas
na Senadrin ang pamagat.

Ng maganap na ngang pawa
doon yaong masasama
ay agad iniharap nga,
kay Kaipas na kuhila
ang Poong kaawa-awa.

Halos di pa natatapos
ang pangungusap ni Hesus
dumating na ngang tibobos,
ang darakip na soldados,
eskribas at pariseos.

Heto na nga ang lahat na,
si Hudas ang nangunguna,
tampalasa't palamara,
humangos pagkakita
sa Maestro't Poong Ama.

Pananalangin

Doo'y ang Poong si Kristo
nangusap sa disipulo:
kayo, aniya'y dumito,
at mananalangin ako
sa Diyos, Haring totoo.

Tatlo ang ipinagsama
na siyang pinili niya,
si Pedro ang una una,
si Diego ang ikalawa
at si Huan Ebanghilista.

Pumasok at nagtuluyan
sa loob ng halamanan,
wertong panalanginan,
doon nga'y naggunamgunam
tigib kadalamhatian.

Paghuhugas na Paa

Dinulog na kapagdaka,
si Pedrong katoto nya
at huhugasang talaga,
gayong gawa'y nang makita
ni Pedro'y nagitla.

Ano pa nga't natilihan
loob ni Pedrong timtiman
luha sa mata ay nukal;
kapag daka ay nagsaysay,
ito ang syang turan.

"DOMINE TU MIHI LAVAS PEDES?"

Si Jesus at ang mga kababaihan nakasama nya sa panahon ng kanyang pamamalagi sa lupa.....Ang mga picture pong ito ay naganap nung sabado bago ang domingo de ramos,, Kapanahunan po ng kinaugaliang Pabasang Bayan..

Ang Morong sa Panahon ng Mahal na Araw

Ang mga apostoles kasama ang panginoon Jesukristo,, ang pagkaka ayos ng poon ay ayon sa panahon ng pangangalap ng panginoon ng mga alagad..

Ang Pagtatapos ng Aking Paglalakbay

Nung kami'y naka uwi na mula sa bundok ay syempre bilang alaala ng San Pablo City ay aking kinunan ang kanilang kalsada...
Ako ay nakararating sa lugar na ito sa tulong at kabutihang loob ng Ka Ultimo at ng kanyang pamilya,kay kasamang Vincent na naging mabuti sa akin,kay ka Jhun na nag bigay sa akin ng kanyang isang kagamitan. Taos puso po ang pasasalamat ko sa kanila at natupad ko ang isa sa pinapangarap ko. Napakabuti sa akin ng Ka Ultimo at walang anu pa man niya akung pinatuloy sa kanyang tahanan. Marami akung natutunan sa sandali kong pagdayo sa kanilang balwarte. Ang mga katuruan ipinag katiwala sa akin ng ka Ultimo ay lubos kong iingatan at tataglayin sa habang buhay kong ito.....Maraming salamat po Ka Ultimo,,

Pag katapos po ng aming paglalakbay ay syempre kailangan pa ring magrelax only.Ako na naman po,,hehehehe si kasamang vincent po ang nasa aking likuran,ang picture pong ito ay aking kinunan sa bahay ng kasamang Sonny iyong tinutukoy ng ka Ultimo na mag uukit na kakilala niya,dito sya madalas nagpapaukit ng magagandang kagamitan tulad po ng kanyang naibigay sa akin.

Yan eto po ang inyong lingkod,kuha sa Bukal ng Inang Santisima,,talaga namang napakalamig ng tubig sa lugar na ito pero kahit ganun na sobra ang lamig ng tubig ay hindi ka magkakasakit mas mararamdaman mo pa ng kaginhawahan sa katawan.. sana may ganito din sa morong,,hehehe

Kay gandang pagmasadan ng mga luntiang dahon at mga lumot sa mga bato sa lugar na ito,,madarama mo talaga ang kapayapaan sa bundok na ito,,ang malamig na hangin ay dama mo sa iyong pag hinga,,Dito sa bundok na ito iyong masusumpungan ang ganap na kapahingahan.

Sa pag hahanap ko ng magandang anggulo na kukunan ng litrato ay nakaagaw pansin sa akin ang isang mahiwagang tao na ito at parang may nagtulak sa akin na kunan sya ng larawan,,sino kaya ang mahiwagang tao na ito??

Sa bawat lugar na aming pinuntahan eh mahalaga ang pagtitirik o ang pag aalay ng kandilang may sindi.. ang kandila ay nagsisilbing tanglaw sa ating pagdarasal kaya ganun na lamang ang kahalagahan nito..

hindi ko matandaan kung anung name ng kweba na ito,,pero mahiwaga ang lugar na ito. Ang picture na ito ay kuha ng Ka Ultimo kasi nung ako ang mag cacapture eh nag system error agad ang cp ko kaya sa kanya ko na binigay ang cp ko,,,,mahiwaga nga po talaga ang lugar na ito..

Pagkatapos kung lumublob sa napakalamig na tubig ng kweba ay syempre naman ang pag aalay ng panalangin naman ang dapat ganapan,,syempre kasama ko pa rin sa loob ang Ka Ultimo at baka kapag akoy mag isa lamang eh akoy matakot,,hehehe

Ito po ang kweba ng ni Santong Jacob,,kita naman po ninyo na walang malaking daan papasok sa ilalim,,para makapasok sa loob eh dapat humingi muna ng pahintulot tapos un umpisa na ng pag gapang..

ang Ka Ultimo at Ka vincent ay nasa loob na,,syempre sa huli ako at baka may kung ano eh,,hehehe

Si Kasamang Vincent ay pumapanaog sa loob ng kweba..Hindi ko maalala pangalan nitong yungib na ito,,sa aking pagkakaunawa aydito muna magpapakilala ang sino mang aahon sa bundok..

ang malaking trespiko

Ito ang unang ahon ko sa banahaw kasama si Ka Ultimo at Vincent,ang trianggulong ito ay gabay sa mga aahon kung saan sila tutungo..